Tuesday 17 July 2012

أن تكون .. عادي






Angela Hayes: Yeah? Well, at least I'm not ugly!
Ricky Fitts: Yes, you are. And you're boring, and you're totally ordinary, and you know it


أنجيلا هايز .. جميلة فيلم "أميريكان بيوتي" .. كان كل اللي قالقها و مخوفها من المستقبل إنها تكتشف إنها "عادية"
Ordinary

اللحظة اللي قالها فيها حبيب صديقتها إنها "مملة" و "عادية" كانت اللحظة اللي أكدلها فيها مخاوفها و هي اللحظة اللي وصلت فيها لحافة الإنهيار



آه يا أنجيلا

لو تعرفي إحنا بنقاسي أد إيه عشان نبقى عاديين ! .. لو تعرفي أهالينا إزاي بيكافحوا معانا عشان يخلونا نختفي
وسط الزحام

لو تسمعي نواح الأمهات المصريات المفضل : " إشمعنى انتي دونا عن أصحابك كلهم اللي .....، و ما تبقيش زيك زيهم ليه ؟! ... أصحابك كلهم عملوا ... و .. إشمعنى انتي اللي .....

لو تعرفي أهمية أن تكن البنت في بلدنا "عادية" ، مش طالعة فيها ، مش حاسة بنفسها ، مش فاكرة نفسها ياما هنا ياما هناك .. لأنها لو كانت أي حاجة غير كده يبقى عمرنا ماهنلاقي اللي يرضى بيها و بدماغها و بعندها

آه لو تعرفي كام بنت بتتحجب .. إسما بتتحجب .. عشان تتوه وسط البنات .. و لما المجتمع بيشاور عليها و يقول شوف البنت عاملة في نفسها إيه ؟ .. ده حجاب ده ؟!.. بينسى إنها لابساه عشانهم و عشان تبقى زي الباقيين .. عشان تبقى عادية و تريح دماغها من زنهم ، فطبيعي لا فاهماه و لا محترماه و لا مقدراه عشان يلمس شخصيتها و يغير اللي جواها قبل اللي لابساه على جسمها

لو تعرفي كام ولد دخل طب و طلع أفشل دكتور .. أو هندسة و بنى عمارات الناس بتموت فيها فعليا مش من حلاوتها و خفة دمها .. لو تعرفي كام حد عمل كده لأنه مش عارف يعمل إيه تاني .. لأنه بيعمل زي ما كل الناس عملت قبل كده


لو تعرفي كام مدرس من مدرسيننا بتكون مهمته الأولى في الحياة إنه يقتل أي شبهة تميز أو اختلاف .. و يوم مانبقى كلنا لون واحد و شكل واحد متساويين كأسنان المشط في الشبه و العقل و الأفعال .. بيحس إنه أدى رسالته على أكمل وجه و بيدوله جايزة المدرس المثالي و شهادة تقدير و يمكن شهادة استثمار ب 50 جنيه بحالهم تقديرا لخدماته التعليمية الهائلة


أحبيبتي يا أنجيلا .. أحب أقدملك مجتمعنا الجميل كأوبشان مناسب لحل مشكلتك .. هنا مجتمع بيعشق "عاديته" ..و ..
بيحارب أي هفوة تميز تظهر في أي ركن من الأركان
..

.. بأه زعلانة عشان إنتي عادية ؟ ..هاتي شنطك و تعالي على هنا







13 comments:

حسام said...

كلام مالأخر :)) كييييب أب

Rimo said...

عندك حق فعلا احنا فى بلد بتقتل كل طموح وحلم

نشوى said...

كلام حقيقي عانى منه جيلنا كله بس عزائي إني مش بكرر اللي عانيت منه مع أولادي بالعكس باحاول أطلع منهم أي حاجة تظهر تميزهم والله المستعان

Unknown said...

كلام جميل , انجلينا مش هتعرف الكلام دا كله لانها فى مجتمع متحرر , انما فى مصر مجتمع معقد مليئ بالعادات والتقاليد والمشاكل النفسيه والاول عشان نتحرر يبقى لازم نتحرر بعقولنا وبعد كدا نتحرر كليا

Sara said...

تصدقي صح ؟

إحنا إزاي سمحنا لنفسنا نبقى كدا ؟ عاديين في مجتمع عادي ممل ؟

تدوينة عبقرية الصراحة :)

Anonymous said...

هنا مجتمع بيعشق "عاديته" ..و ..
بيحارب أي هفوة تميز تظهر في أي ركن من الأركان


حقيقي للأسف :(

تدوينة جميلة ومحزنة! :(

Asma Sa'ed said...

ده التفكير لما تفكر طريقه مختلفه عن الاستاذ او الدكتور اللى بيدرسلك
بيحسسك إنّك غريب الاطوار _وانسان حوزوفليلقى من زمن تانى
والأرجح محتاج تكشف عند دكتور :D :D

ياما سمعت جمله من أمى وكل الناس اللىّ حواليا
"بلااااش تشطحى بعييييد وخليكِ زى كل الناس لازم تطلعلنا بحاجه يعنى جديده ؟
"
أو
"بطلى فزلكه "
أو
"انتى أصلا بتحبى تستعرضى نفسك بطلى أمراض نفسيه "
أو
"ما بلاش شغل خالف تُعرف ده ! "
ومواقف كتييييير

وكانت النتيجه .. إنّى بطلت أفكر
والله مابقيت أعرف أفكر خالص !!!

وبقيت أغبى مخلوقات ربنّا !
عقلى وقف نموه :)

والبركه فى المجتمع :)

Layla said...

قلتي هتكتبي كل يوم و رجعتي خلفتي بوعدك ... ينفع كده

Anonymous said...

فين اللي كل يوم انا بستناكي
ياسمينة

Anonymous said...

Good afternoon Madam,

Do you have any personal email where I can send you some comments about your books and blogs?

Thanks a lot : marccerba@gmail.com

Marc
France

Anonymous said...

حجاً مبروراً و سعياً مشكوراً و ذنباً مغفوراً و تجارةً لن تبور بإذن الله تعالى والحمد لله على سلامتك، والله يتقبل منك صالح الأعمال إن شاء الله أسأل الله أن يرزقنا أداء فرضية الحج الجلل عاجلاً غير آجلاً بإذن الله تعالى ” اللهم آمين يا رب العالمين “ وعقبال الجميع إن شاء الله تعالى .. مع خالص الاحترام و التقدير

شركة المنارة تنظيف منازل وفلل وموكيت وسجاد بالدمام said...

شركة المثالية من
اهم واكبر شركات التنظيف في المنطقة الشرقية وجميع مدن المملكه فهى حاصلة على شهادة كثيرا في التنظيف لان الشركا مصنفه من اكبر شركات التنظيف
للمزيد تبعنا علي اليوتيوب

شركة المثالية لمكافحة الحشرات
شركة المثالية للتنظيف
شركة المثالية لتنظيف المنازل
المثالية للتنظيف

وشركتنا تقدم لعملائنا اقل التكاليف الممكنا وشركتنا افضل شركة تنظيف فى المنطقة الشرقية معتمده من المملكه العربيه السعوديه والان سارع بالانضمام الى افضل شركة خدمات منزلية
للمزيد زورو موقعنا
شركة المثالية لتنظيف المنازل
شركة المثالية للتنظيف
شركة المثالية لمكافحة الحشرات



شركة الوطن said...

الوطن
تقدم شركة الوطن الدولية
شركة تنظيف بابها
والتى تعمل على تقديم افضل خدمة تنظيف حيث تقوم ياستخدام افضل واحدث الاجهزة بافضل مواد للتنظيف حيث
يوجد عمالة مدربة على اعلى مستوى فى مجال التنظيف ولدينا اقسام اخرى والتى نتميز بها من حيث الكفاءة العالية وسرعة الاستجابة لى الطلب , حيث تكون الاقسام كاالتالى
شركة مكافحة حشرات بعرعر
و شركة تسليك مجارى بالدمام
و
شركة عزل اسطح بالدمام
و
شركة غسيل خزانات بالقصيم
حيث تقدم شركة الوطن الدولية بتقديم عروضات هائلة بمناسبة شهر رمضان الكريم لى عملأنا الكرام .